XORNADAS SOBRE ORNITOLOXÍA NO ESPAZO COWORKING DE SOUTO

O Coworking de Souto foi a sede das IV Xornadas sobre ornitoloxía na Reserva de Biosfera Mariñas Coruñesas e Terras do Mandeo impartidas polo Grupo Naturalista Hábitat os días, 30 de setembro en xornada de tarde, e o 2 de outubro en xornada completa.

As distintas especies de aves máis representativas da contorna, trucos e anécdotas, centraron a xornada do venres conducida por expertos ornitólogos.

O domingo, desenvolveuse a IX Maratón da Reserva de Biosfera MCeTM e tivo lugar o acto da entrega de premios que presidiu o Vicepresidente da Reserva e Alcalde de Paderne, César Longo, acompañado polo Xerente da Reserva, Jorge Blanco e representantes do Grupo Naturalista Hábitat.