VISITA Á EMPRESA ORBALLO

O Alcalde de Paderne realizou, o pasado día 20 de abril, unha visita ó campo de cultivo da empresa Orballo, enmarcada no Programa Bio-Emprende (2016-2017).

César Longo, Vicepresidente da Reserva da Biosfera As Mariñas Coruñesas e Terras do Mandeo e Vicepresidente da Asociación de Desenvolvemento Rural “Mariñas-Betanzos” achegouse ás instalación da empresa Orballo, ubicadas no lugar de Donín, no propio termo municipal de Paderne, na que a través do programa Bio-Emprende se está dando formación a 75 persoas desempregadas no ámbito da horticultura ecolóxica, da agroindustria e elaboración de transformados agroalimentarios (viño, sidra, cervexa, licores, marmeladas, conservas vexetais, xabóns e cosmética natural) e no ámbito do emprendemento verde (producción e aproveitamentos do monte, avicultura e bioconstrucción).

Con esta visita a Orballo trátase de dar a coñecer ós alumnos do Programa Bio-Emprende as oportunidades que existen no rural para a creación de emprego, coñecer unha experiencia innovadora ligada ó aproveitamento sostible dos recursos locais e animar e fomentar o emprendemento.