PRESENTACIÓN DAS ACTIVIDADES DE ADULTOS

O día 13 de outubro o Alcalde de Paderne, xunto cos Concelleiros de Cultura, realizou a presentación das actividades de adultos para este curso 2015 – 2016 presentando ós monitores encargados de impartilas e coa asistencia da maior parte das persoas inscritas dun total de 150.

Cunha ampla e variada oferta que contempla un total de 10 actividades distintas a impartir nos oito locais das distintas parroquias, inténtase satisfacer as demandas dos veciños e veciñas cubrindo así as súas solicitudes. Un total de 25 grupos foron os que finalmente se formaron repartíndose entre as actividades de baile, pilates, ximnasia, cestería, cociña, costura, informática, manualidades, pintura, inglés e tapiz.

CComo novidade para este curso, iníciase a actividade de tapiz e tear na que se aprenderá a tecer a man usando as técnicas tradicionais que antiguamente utilizaban as nosas avoas utilizando para elo fíos de distintas cores logrando así composicións moi semellantes a cadros que poderán lucir nas súas casas.

Con esta oferta o Alcalde quere proporcionar ás persoas de tódalas parroquias oportunidades tanto para reunirse como para pasalo ben realizando alguna tarefa que lles poida ser útil ou que dea resposta ás súas inquedanzas.