EXCURSIÓN A PORTUGAL

Este pasado día 8 de febreiro, o Concello de Paderne organizou unha excursión a Portugal; a feira de Vilanova de Cerveira e a Fortaleza, convertéronse nos puntos centrais dun estupendo día no que, incluso o tempo, axudou a que todo transcorrera de xeito agradable e se puidera disfrutar dunha grata xornada no país veciño.

Dous autobuses saíron ás 7:30 h da Casa Consistorial para recoller ás persoas inscritas polas parroquias e, logo dunha parada en ruta, chegar a Vilanova de Cerveira onde todo o mundo paseou pola feira buscando algo que levar para a casa. Nas terrazas das cafeterías de Vilanova tamén se podían ver moitas persoas do grupo aproveitando o estupendo día.

No restaurante, a amabilidade do servizo, ademais dunha riquísima comida, tamén contribuíron a seguir cun bo estado de ánimo que continuou despois cando se foi ata a Fortaleza e se fixeron as últimas compras.

A última hora da tarde e antes de saír de Portugal, o Alcalde despediuse de tódolos asistentes nos buses recibindo felicitacións por este día.